Reshjet e dendura të shirave kanë bërë që të kenë rrëshqitje dherash dhe masive gurësh, duke bërë që një sërë rrugësh të bllokohen në vend.
Ka pasur problematikë në segmentin e rrugës Qafa e buallit-Peshkopi. segment i rrugës Arbrit rruga kalohet me vështirësi nga prurjet e ujit që shkarkojnë nga malet drejt në asfalt, asnjë ndërhyrje nga autoriteti rrugor i rrugëve. Ndërkohë vazhdon të jetë e bllokuar rruga që lidh Bulqizën e vjetër me atë të renë.
Ka pasur rrëshqitje intertesh dhe gurë në hyrje të Librazhdit, gjë që ka sjellë bllokim të rrugës Elbasan-Librazhd. Reshjet e shiut dhe dëborës kanë krijuar problematika të ndryshme në Kukës-Shishtavec.
Ndërkohë që situata e reshjeve në Berat ka sjellë problematikë në aksin rrugor Berat-Çorovodë ku ka rrëshqitje të gurëve dhe dherave nga mali.
Një shembje e madhe e dherave ka bërë që rruga nacionale Burrel-Tiranë të bllokohet plotësisht. Një masiv i madh dheu, në afërsi të urës së Ulzës, ka paralizuar qarkullimin.
Autoritetet dhe mjetet e firmës mirëmbajtëse janë në terren dhe po punojnë për të hapur sa më parë rrugën. Siç duket edhe nga fotot një furgon rrezikoi të binte.
Ndërkohë që PD lokale denoncon se situata është shumë e rëndë dhe njerëzit janë bllokuar prej orësh.
Denoncimi i drejtuesit të PD-së në Burrel, Arjan Lika
