Sali Berisha zihet ngushtë dhe përpiqet të justifikojë aktet e kaosit në seancën e djeshme parlamentare, veprime të cilat në 2015 kur deputetët e Vetëvendosjes i bënë në parlamentin e Kosovës, i quajti veprime guerrilase dhe madje këshilloi Kurtin duke i thënë se nëse donte të bënte guerrilasin të dilte në mal.
Në konferencën e sotme për median Berisha u pyet: Më 3 dhjetor 2015 ka pasur zhvillime në Kosovë ku deputetët e Vetëvendosjes bënin trazira përfshi dhe gazin lotsjellës. Ju zoti Sali Berisha deklaruat: "Më thoni mua në cilin parlament të botës hidhen bomba me gaz dhe kryhen veprime guerrilase. Nëse do të bësh guerrilasin dil në mal. Çfarë po bën Sali Berisha në kuvend?"
Sali Berisha: Dakord por më thuaj pak cila e drejtë kushtetuese iu mohua deputetëve të Vetëvendosjes? Nëse deputetëve të Vetëvendosjes nuk iu lejohej krijimi i komisioneve hetimore parlamentare.
Iu mohua atyre e drejta e komisionit hetimor parlamentar, a ishte paralizuar e drejta e iniciativës ligjvënëse? Iu caktonte atyre kryeministri i vendit përfaqësuesit në komisionin e reformës zgjedhore. Nëse kanë ndodhur Sali Berisha publikisht do i kërkojë të falur. Por në dijeninë time nuk kanë ndodhur.Kjo që ndodh sot është një aksion i detyruar për të mos bojkotuar parlamentin. Është një betejë për të rikthyer normalitetin dhe kushtetutshmërinë. Prapa protestës së deputetëve në opozitë duhet të shikosh shëmtinë e pafundme të qeverisë që u mohon atyre të drejtat kushtetuese në sallë. Në çdo moment kjo protestë ka vetëm një qëllim, garantimin e të drejtave kushtetuese të qytetarëve.
Ideja e krahasimit me qëndrimet që kam mbajtur ndaj Vetëvendosjes nuk qëndron. Megjithatë ai që më thotë shkaqet që kanë qenë në kushtet e shkeljes së kushtetutës i tërheq fjalët e mia."
Lajmi ne perditesim...
Lajmi kryesor:
Kaosi në Parlament/ Përjashtohen me 10 ditë Salianji, Spaho e Doda, e deputetët mbështetës të Berishës
S.G/ReportTv.al