Sekretari amerikan i Shtetit, Antony Blinken ka biseduar për situatën në Kazakistan me ministrin e Punëve të Jashtme në Kazakistan, Mukhtar Tileuberdin. Blinken ka bërë thirrje që trazirat të zgjidhen në mënyrë paqësore.
“Blinken ritheksoi mbështetjen e plotë të Shteteve të Bashkuara për institucionet kushtetuese të Kazakistanit dhe për lirinë e medias dhe bëri thirrje për zgjidhje paqësore të krizës, duke respektuar të drejtat e njeriut”, tha Departamenti amerikan i Shtetit në një deklaratë.
Bisedën e konfirmoi përmes një postimi në Twitter edhe Blinken.
“Ne jemi të përkushtuar të mbështesim institucionet kushtetuese të Kazakistanit dhe zgjidhjen diplomatike të mosmarrëveshjeve”, shkruan Blinken.
Lajmi kryesor:
'Anarki' në Kazakistan, dhjetëra persona të vrarë në përleshjet mes protestuesve dhe policisë! Rusia dërgon trupa për të shtypur protestën (FOTO+VIDEO)
SI.E./ReportTv.al