Kryendeshja e Serie A për këtë javë mes Juventusit dhe Milanit përfundoi 0-0. Në Torino fansat prisnin gola, teksa ishin të vetmit që munguan. Bardhezinjtë e Allegrit marrin barazimin e tretë radhazi, ndërsa pas eliminimit nga Europa League dhe humbjes në derbin me Interin, Milan rikthehet të marrë pikë.
Në pjesën e parë mungoi iniciativa, me dy portierët që më shumë ishin spektaktorë dhe nuk u rrezikuan me asnjë rast serioz. Sportiello bëri pritjen e parë në minutën e 45, kjo pas një goditje të Vlahovic.
Edhe pjesa e dytë ishte e njëjtë, me dy skuadrat që më shumë nuk donin të pësonin. Paçka se Allegri dhe Pioli bënë nëntë zëvendësime në total, golat munguan.
Me 70 pikë Milani mban vendin e dytë, teksa duket se e ka të sigurt zonën Champions. Juve një pozicion më pak me 65 pikë, tre më shumë se Bologna. Këta të fundit luajnë me Udinesen dhe në rast suksesi do barazonin "Zonjën e Vjetër".
Lajmi kryesor:
Serie A/ Juventus dhe Milan barazojnë 0-0! Leçe 1-1 ndaj Monzës, Lazio i falet golit të Zaccagnit për Evropën
S.DH/ReportTv.al