Kategoria e Parë e futbollit në Shqipëri zhvilloi këtë të dielë pesë nga gjashtë ndeshjet e javës së 30-të. Me fillim nga ora 15:00, Apolonia fitoi 4-1 derbin kundër Bylis.
Të ngjitur zyrtarisht në Superligë nga sezoni i ri, ballshiotët lëshuan dhe pësuan katër gola në një takim të vetëm, teksa gjatë gjithë sezonit kishin pësuar 22 të tillë. Umejiego, Trifoni, Maksuti dhe Omeri shënuan për fierakët, duke bërë që goli i Kibe në fund të ishte sa për statistika.
Në Vlorë, Flamurtari barazoi 2-2 me AF Elbasanin. Ndeshja ishte e luftuar dhe e denjë për dy emra që i kanë dhënë shumë futbollit shqiptar. Djemtë e Nevil Dedes vijojnë të jenë në krye të renditjes, teksa një javë më parë festuan rikthimin në elitë pas nëntë sezonesh.
Te tri pikët u rikthye Vora, që mundi 3-0 Tomorin e rrëzuar zyrtarisht në Kategorinë e Dytë. Sukses i rëndësishëm për Lushnjën e Maganit, që në "Roza Haxhiu" triumfoi 2-0 ndaj Besës, duke bërë që këta të fundit të jenë në zonën e ftohtë. Tri pikë me vlerë për Kastriotin, që fitoi 3-1 ndaj Burrelit. Kujtojmë se sfida mes Korabit dhe Luzit u shty për shkak të dëborës në Peshkopi dhe do luhet të mërkurën.
Kështu, AF Elbasani dhe Bylis kanë siguruar vendet në Superligë sezonin e ri dhe janë në garë për titullin në të Parën. Deri në këto momente matematikisht një vend në ndeshjet shtesë për ekipin e vetëm që do garojë në play-off për elitën kanë siguruar Flamurtari dhe Vora, ndërkohë që në garë tre javë nga fundi janë edhe Apolonia, Korabi, Lushnja dhe Kastrioti.
Kategoria e Parë, raundi 30:
E dielë, 21 prill 15:00
Apolonia 4-1 Bylis
Flamurtari 2-2 AF Elbasani
Kastrioti 3-1 Burreli
Korabi - Luzi (shtyrë për shkak të dëborës në Dibër)
Lushnja 2-0 Besa
Vora 3-0 Tomori
Renditja:
