TIRANË - Zbardhen propozimet e opozitws parlamentare për reformën zgjedhore. Janë 4 opsione që grupi demokrat tw Rudina Hajdarit dhe deputeti Ralf Gjoni propozojnw për sistemin zgjedhor, por në të gjitha prej tyre, mbizotëron fjala "listat e hapura".
Njëri prej opsioneve është depozituar nga deputeti Ralf Gjoni i cili është propozuar nga Nisma "Thurje" dhe mbështetet nga mbi 50,000 firma qytetarësh. Ky propozim kërkon ndryshimin e sistemit zgjedhor në proporcional kombëtar me lista të hapura. Një propozim i ngjashëm është depozituar më vete edhe nga deputeti Myslim Murrizi. Pra: Sistem proporcional kombëtar, një zonë zgjedhore, dhe kuvendi të jetë më 100/140 deputetë, një model i ngjashëm me Kosovën. Ky ndryshim kërkon ndryshime në Kushtetutë.
Opsioni i dytë që kërkon ndryshim të Kushtetutës vjen si propozim i tre deputetëve: Sistem proporcional rajonal, i korrektuar me listë kombëtare të hapura.
Opsioni i tretë është: Sistem propocional rajonal me 12 njësi zgjedhore të grupuara në 4 rajone zgjedhore, sërish me lista të hapura, por që ndryshe nga propozimet e tjera, nuk kërkon ndryshime në kushtetutë.
Opsioni i Katërt është sistem mazhoritar i korrektuar me listë propocionale kombëtare me listë të hapur, me jo më shumë se 5 (pesë) preferenca dhe kërkon ndryshime në Kushtetutë.
Kliko KETU për të lexuar Propozimet e grupit parlamentar demokrat për reformën zgjedhore
G.M./ReportTv.al