Presidentja e Kosovës Vjosa Osmani ka uruar të gjithë ata që nisin sot, vitin e ri shkollor 2023-2024.
Presidentja Osmani ka theksuar se beteja për dije nuk përfundon kurrë, ndaj nxënësit duhet të jenë të vëmendshëm për të kuptuar se arsimimi nuk ka të bëjë vetëm me librat, por me ndjeshmërinë, kreativitetin dhe mendimin kritik.
“Me mendje të hapura për dije dhe zemra të mbushura me emocione, nxënësit tanë po e nisin këtë vit të ri shkollor, i cili është një kapitull i ri, një mundësi për të mësuar diçka të re, për ta sfiduar veten dhe për ta zgjeruar horizontin e dijes. Ndërsa po nisni një vit të ri shkollor, le ta sjellim në vëmendje se arsimimi nuk ka të bëjë vetëm me libra dhe teste, por me kultivimin e ndjeshmërisë, të menduarit kritik dhe kreativitetin. Beteja për dije nuk përfundon kurrë! Urime 1 shtatori! Sukseset e shënofshin çdo ditë të këtij viti shkollor!", ka theksuar Osmani.
Lajmi kryesor:
Mes problemeve me furnizimin e nxënësve me libra, nis sot viti i ri shkollor në Kosovë
M.T/ReportTv.al