Presidenti i Republikës Ilir Meta ka thirrur në një takim një përfaqësi të artistëve që kanë protestuar përgjatë dy muajve rresht për çështjen e godinës së Teatrit Kombëtar. Ndërsa artistët këmbëgulin që godina të mos prishet, duke vijuar protesta në çdo të hënë të javës, ata janë edhe kundër projektit për Teatrin e ri Kombëtar.
Në takimin me Presidentin Meta ishin aktorët Robert Ndrenika, regjisori Stefan Çapaliku dhe aktori Arben Derhemi. Aktorët e njohën Presidentin Meta me shqetësimin e tyre dhe të komunitetit të artistëve lidhur me problemin e godinës së Teatrit Kombëtar.
Ndërsa pritet një deklaratë zyrtare nga Presidenca rreth këtij takimi, aktori Arben Derhemi pohon se “Presidenti Meta na priti shumë mirë, u bashkua me mendimet tona”.