Këshilli i Lartë Gjyqësor i ka dërguar tre kandidatë Presidentit Ilir Meta për tre vende vakante në Gjykatën e Lartë. Ata janë Sokol Sadushi, Ilir Panda dhe Ervin Pupe. Ndryshe nga çfarë ndodhi me Gjykatën Kushtetueses, e cila u kthye në burim konfliktit mes Presidentit, Kuvendit dhe KED, Meta nuk ka asnjë mundësi për të bllokuar emërimin e tre anëtarëve të Gjykatës së Lartë. Rregullat e emërimit për anëtarët e Gjykatës së Lartë janë të përcaktuar qartësisht në Kushtetutën e ndryshuar në 2016. Sipas nenit 139 pika 2 e Kushtetutës, Meta ka vetëm 10 ditë kohë për të emëruar tre anëtarët e Gjykatës së Lartë, nga data e marrjes së vendimit të Këshillit të Lartë Gjyqësor, me përjashtim të rasteve kur Presidenti konstaton se kandidati nuk plotëson kriteret e kualifikimit ose kushtet e zgjedhshmërisë, sipas ligjit.
Sokol Sadushi, Ervin Pupe dhe Ilir Panda
Por, edhe nëse Meta vendos të mos emëroi me dekret një nga kandidatët, me pretendimin se nuk plotëson kriteret e kualifikimit, dekreti i Presidentit të Republikës për
Mos emërimin e kandidatit humbet fuqinë kur kundër tij votojnë shumica e anëtarëve të Këshillit të Lartë Gjyqësor. Në këtë rast, si dhe kur Presidenti nuk shprehet, kandidati shpallet i emëruar dhe fillon detyrën brenda 15 ditëve nga data e vendimit të Këshillit të Lartë Gjyqësor.
Po si do të bëhet betimi i anëtarëve të Gjykatës së Lartë?
Neni 61 i ligjit për statusin e gjyqtarëve të prokurorëve parashikon që mandati i anëtarit të Gjykatës së Lartë fillon ditën kur bëhet ceremonia e betimit përpara Presidentit të Republikës. Por, shumica ka vendosur t’ia heqë këtë kompetencë Presidentit, i cili mund ta përdorë si instrument bllokimi. Në ndryshimet në ligjin për statusin e gjyqtarëve dhe prokurorëve, të miratuara nga Kuvendi dhe të kthyera dje nga Meta për rishqyrtim, parashikohet që Këshilli i Lartë Gjyqësor organizon ceremoninë e betimit për anëtarin e Gjykatës së Lartë jo më vonë se 10 ditë nga data e emërimit ose e shpalljes i emëruar. Ndryshimet pritet të miratohen sërish nga Kuvendi.
//ReportTv.alKomente
Medemek ky Meta celsat e qenefit ka ..... Ja kan ba menderin ne koke.
Përgjigju