Lara Colturi është renditur e treta në Botërorin e të rinjve në ski që po zhvillohet në Francë. Mesditën e kësaj të premteje italiania e natyralizuar si shqiptare arriti të ngjitet në podium ashtu si edhe një vit më parë duke u renditur në vendin e tretë në kategorinë e femrave për Slalomin Gjigand.
Në prezantimin e garës së saj, 17-vjeçarja është cilësuar si talenti i madh i skive, kjo edhe pas arritjeve të saj në Kupën e Botës për të rritura, ku doli në "top 12" më të mirat.
Në garën e së premtes, Colturi si në lëshimin e parë ashtu edhe në të dytin regjistroi kohën e tretë më të shpejtë. Ditën e shtunë skiatorja do të ketë mundësinë të shprehë talentin në kategorinë e slallomit për të mbyllur aktivitetin e të rinjve dhe për t’iu rikthyer Kupës së Botës për të rritura me etapën e Andorrës javën e ardhshme.
S.DH/ReportTv.al
