Mediat në Kosovë bëjnë të ditur së në Prishtinë ka arritur grupi i dytë i shtetasve afganë të cilët janë evakuuar nga Kabuli gjatë ditëve të kaluara. Siç bëhet e ditur edhe ky grup është i përbërë nga afganët që kanë punuar me forcat e NATO-s në Afganistan.
Në Kosovë tashmë janë strehuar 11 qytetarë afganë, prej tyre 55 janë gra dhe fëmijë, kurse të tjerët janë burra.
Ministri i Punëve të Brendshme në Qeverinë e Kosovës, Xhelal Zveçla kishte deklaruar se rreth 2.000 shtetas afganë pritet të vijnë në Kosovë dhe se vendi i ka të gjitha kapacitetet e nevojshme për t’I pritur ata.
Javë më parë, Qeveria e Kosovës ka bërë të ditur se do të strehojë përkohësisht qytetarët afganë, të cilët kanë punuar me forcat amerikane dhe ato të NATO-s apo edhe me organizata të huaja.
Autoritetet kosovare kanë thënë se sipas ligjeve, afganëve do t’u ofrohet strehim i përkohshëm me kohëzgjatje deri në një vit. Deri tani qindra afganë janë strehuar edhe në Shqipëri dhe Maqedoninë e Veriut.
Lajmi kryesor:
Mbërrin grupi i tretë prej 131 afganësh në Kosovë, në total 355 të strehuar në bazën ushtarake amerikane nën komandën e KFOR-it
