Dhomat e Specializuara shpallën fajtorë Hysni Gucatin dhe Nasim Haradinaj, duke i dënuar me katër vjet e gjysmë burgim dhe me një gjobë prej 100 eurosh. Në dënim do të llogaritet edhe koha e kaluar në paraburgim.
"Në emër të popullit të Kosovës, trupi gjykues ju shpall ju fajtor për: pengim të personave zyrtar në kryerjen e detyrave zyrtare, pengim të personave zyrtarë përmes pjesëmarrjes në grupe, frikësim gjatë procedurës penale, shkelje të fshehtësisë së procedurës përmes zbulimit të informacionit të fshehtë dhe shkelje nëpërmjet zbulimit të identitetit dhe informacioneve për dëshmitarët e mbrojtur", tha gjykatësi Charles Smith III.
Gucati dhe Haradinaj u shpallën të pafajshëm për akuzën e hakmarrjes.
Lajmi kryesor:
Gjykata Speciale dënon me nga 4 vjet e gjysmë burgim dy udhëheqësit e Organizatës së Veteranëve të luftës së UÇK-së
S.C/ReportTv.al