Katër fëmijët e Waseem Mushtahas nuk kanë shkuar në shkollë për gati dy javë. Në vend që të mësojnë matematikë apo gjeografi, ata po mësohen si të racionojnë ujin.
“Çdo ditë mbush një shishe ujë për secilin dhe u them: Mundohuni ta menaxhoni këtë”, tha ai duke folur nga qyteti jugor i Gazës, Khan Younis.
Pasi Izraeli lëshoi një urdhër evakuimi për 1.1 milion palestinezë në pjesën veriore të Gazës, Mushtaha dërgoi gruan dhe fëmijët e tij nga mosha 8-15 vjeç në shtëpinë e tezes së tij në Khan Younis, ku banorët hapën dyert e tyre për familjen dhe miqtë e tyre në mes të bombardimeve ajrore të Izraelit . Si një punonjës I Ujësjellës Kanalizimeve, Mushtaha sheh shenjat e një katastrofe të afërt të shëndetit publik përreth tij.
"Njerëzit flenë në rrugë, në dyqane, në xhami, në makinat e tyre ose në rrugë", tha ai.
Produktet higjienike janë zhdukur, uji nga shitës privatë kushton dyfish që nga 7 tetori. Oxfam dhe agjencitë e Kombeve të Bashkuara kanë paralajmëruar se mungesa e ujit do të sjellë kolerën dhe sëmundje të tjera vdekjeprurëse infektive. Izraeli ndërpreu tubacionin e tij të ujit për në Gaza, së bashku me furnizimin me karburant dhe energji elektrike që furnizojnë impiantet e ujit dhe kanalizimeve, pasi shpalli një bllokadë totale të enklavës palestineze pas sulmit të Hamasit.
Sipas Oxfam, ujërat e zeza të patrajtuara tani po lëshohen në det ndërsa mbetjet e ngurta po përfundojnë gjithashtu në disa rrugë së bashku me trupat që presin të varrosen. OKB-ja thotë se aktualisht në Gaza ka vetëm tre litra ujë në ditë për person për të mbuluar të gjitha nevojat e tyre, duke përfshirë pirjen, larjen, gatimin dhe larjen e tualetit. Ne gatuajmë ushqime që u nevojitet pak ujë.
Ne lahemi për namaz vetëm një ose dy herë. Ne kemi një fqinj që ka një pus, por ai nuk ka energji elektrike për të vendosur në punë pompën e ujit. Ata kanë një gjenerator, por nuk kanë karburant. Ka familje me fëmijë dhe foshnja të porsalindura që jetojnë pa çati mbi kokë. Ata thjeshtë ulen në cepat e rrugës pa mbrojtje, ujë, ushqim etj. Frika po rritet për shkak se dehidratimi dhe sëmundjet e shkaktuara nga uji do të çojnë në një katastrofë humanitare mes sulmeve ajrore izraelite që kanë vrarë 4,137 palestinezë. Katër nga 34 spitale nuk janë më funksionale, sipas agjencisë shëndetësore të OKB-së, pasi janë të mbushur me pacientë të lënduar dhe familje që kanë nevojë për strehim.
Lajmi kryesor:
Lufta/ Mbi 4 mijë viktima në Gaza! Pas samitit të paqes Meloni në Tel Aviv, takim zyrtar me Netanyahun! Trupat izraelite përgatiten për betejë përgjatë kufirit libanez
S.S/ReportTv.al