Dy ditë përpara se afati për dorëzimin zyrtar të kandidatëve për presidentin e Republikës, deputeti i PD, Ervin Salianji i ka bërë sërish thirrje Grupit Parlamentar të mbajë një mbledhjen të përbashkët për të dakortësuar qëndrimin për kriteret.
Pavarësisht se opozita është ndarë në 3 palë, Salianji theksoi se këto 3 kampe bashkohen në 1 pikë, që nuk duhet absolutisht të lihet në dorën e PS zgjedhja e presidentit.
“Grupi parlamentar i Partisë Demokratike nuk ka një vendim të dakortësuar për kriteret apo mënyrën se si duhet të zhvillohet procesi i negociatave!
Deputetë të pranishëm në takimin e kaluar më konfirmojnë që në atë takim shumica e të pranishmëve e ka rrëzuar kriterin që Presidenti i Republikës nuk duhet të jetë politik!
Gjithë opozita ka një pikë përbashkuese : PSSh nuk ka legjitimitetin për ta zgjedhur Presidentin e vetme, për këtë arsye i takon Partisë Demokratike dhe grupit të saj parlamentar të thërrasë në mbledhje të përbashkët gjithë deputetet opozitarë por dhe personalitetet që mund të gjejnë konsensus të gjerë!”, u shpreh demokrati.
Lajmi kryesor:
Presidenti/ PS negociata me palët, Alibeaj refuzon! Balla: Vendosëm piketat! Mediu: Nëse opozita s'është unike, ne s'bëhemi pjesë! Idrizi: Qeveria garantoi jo proces të njëanshëm
J.GJ./ReportTv.al