Kryetari i Grupit Parlamentar të Partisë Socialiste, Taulant Balla i shoqëruar nga kryetari i Bashkisë, Kastriot Gurra inspektoi përfundimin e punimeve që u kryen për ndërtimin e Qendrës Shëndetësore të fshatit Polis Gurëshpatë në Librazhd, që u bë i mundur nga mbështetja e Kuvajtit.
Teksa shprehu mirënjohjen për qeverinë e Kuvajtit për ndihmën që po i jep Shqipërisë, ai u bëri apel qytetarëve për t'u vaksinuar masivisht, pasi sipas tij lufta me Covid-19 ende nuk ka mbaruar.
“Duhet të nxisim të gjithë njerëzit që të bëjnë vaksinën, pasi kjo është e vetmja mënyrë për të qenë të përgatitur për sezonin e vjeshtës. Gjej rastin të falenderoj qeverinë e Kuvajtit për mbështetjen që na dha për ndërtimin e kësaj Qendre Shëndetësore, në mënyrë të veçantë Emirin e Kuvajtit që kanë treguar gjithmonë solidaritet dhe mbështetje ndaj Shqipërisë. Është një Qendër Shëndetësore që i vjen në ndihmë shumë banorëve të Gurshpatës, por edhe të Qaf Dardhës, sepse numri i banorëve që jetojnë në këtë zonë është shumë i madh”, tha Balla.
Lajmi kryesor:
'Kam bërë gabimin më të madh në jetë dhe po vuaj sot', pacientë me COVID nga Spitali Infektiv apelojnë: Vaksinohuni, mos hezitoni
//ReportTv.al