Ambasada amerikane në Tiranë ka zbardhur takimin e Yuri Kim me përfaqësuesit e opozitës në Kuvend, Rudina Hajdari nga grupi demokrat dhe Ralf Gjonin ditën e djeshme. Sipas njoftimit të ambasadës, Kim i ka vlerësuar dy deputetët për qëndrimin në Kuvend dhe faktin që nuk dogjën mandatet. Biseda mes ambasadores dhe dy deputetëve ka qenë e fokusuar te reforma zgjedhore.
"Ambasadorja e Shteteve të Bashkuara Yuri Kim u shprehu deputetëve të opozitës Rudina Hajdari dhe Ralf Gjoni vlerësimin e saj për qëndrimin të angazhuar në procesin demokratik dhe vijueshmërinë e punës për çështje të rëndësishme në Parlament.
Gjatë takimit të tyre më 11 shkurt, Ambasadorja dhe dy deputetët biseduan gjithashtu edhe për rëndësinë e gjetjes së një rruge të përbashkët, si dhe për zbatimin e reformës zgjedhore, gjë e cila është thelbësore për forcimin e demokracisë së Shqipërisë dhe të ardhmen europiane të saj" shkruan ambasada amerikane.
