Kryetari i Komisionit të Politikës së jashtme të Bundestagut gjerman, Michael Roth, ka njoftuar mobilizim e “24 përfaqësuesve të rangut të lartë nga e gjithë Evropa” për zbardhjen e së vërtetës në lidhje me aludimet se zgjedhjet në e 17 dhjetorit në Serbi janë manipuluar.
Përmes një postimi në rrjetin social “X”, Roth është shprehur se presidenti serb Aleksandër Vuçiç, është “i izoluar” në këtë çështje, duke nënkuptuar se ky i fundit nuk mund të bëjë asgjë me qëllim devijimin e hetimeve për vërtetësinë e zgjedhjeve të mbajtura në Serbi, më 17 dhjetor.
Në postimin e tij, Roth ka publikuar letrën e nënshkruar nga 24 deputetë të shteteve të BE-së, drejtuar presidentes të Komisionit Evropian, Ursula von der Leyne, presidentes të Parlamentin Evropian, Roberta Mitsola, presidentit të Këshillit Evropian, Charles Michel, shefit të Politikës së Jashtme të BE-së, Josep Borrell, dhe të dërguar të BE-së për dialogun, Miroslav Lajçak.
Në letër bëhet fjalë kërkesat e këtyre 24 politikanëve për zhvillimet e fundit në Serbi, përfshirë edhe mbajtjen e zgjedhjeve atje më 17 dhjetor.
“I nderuari president Vuçiq, kjo nuk është as një komplot, as një fushatë socialiste. Jeni plotësisht të izoluar!”,- shprehet Roth.
“24 përfaqësues të rangut të lartë nga e gjithë Evropa i bëjnë thirrje BE-së që në mënyrë të pavarur të hetojë akuzat për mashtrim dhe të bëjë rekomandime për të siguruar zgjedhje të lira dhe të ndershme në Serbi”,- shton ai.
Dear President @avucic, this is neither a conspiracy nor a socialist campaign. You are totally isolated! 24 Senior MPs from all over Europe call on the EU to investigate the fraud allegations independently and to make recommendations to ensure free and fair elections in Serbia. pic.twitter.com/9ayId0Mqq5
— Michael Roth - official ???????????????????????? (@MiRo_SPD) January 18, 2024
