Ka përfunduar vizita studimore e zyrtarëve të lartë të SPAK në Uashington DC këtë javë së bashku me anëtarët e ekipit të Zyrës së Ambasadës për Zhvillimin, Ndihmën dhe Trajnimin e Prokurorisë Jashtë Vendit (OPDAT).
Lajmin e njofton ambasada e SHBA në Tiranë përmes një postimi në rrjete sociale ku ka zbardhur dhe takimet që ka zhvilluar kreu i SPAK Altin Dumani.
"Zyrtarët e lartë të SPAK-ut përfunduan vizitën e tyre studimore në Uashington DC këtë javë së bashku me anëtarët e ekipit të Zyrës së Ambasadës për Zhvillimin, Ndihmën dhe Trajnimin e Prokurorisë Jashtë Vendit (OPDAT). Kreu i SPAK-ut Altin Dumani dhe anëtarët e delegacionit u takuan me Zëvendës Ndihmës Prokurorin e Përgjithshëm dhe Këshilltarin për Çështjet Ndërkombëtare Bruce C. Swartz, si dhe Koordinatorin e Departamentit të Shtetit për Anti-Korrupsionin Global Richard Nephew. Delegacioni u takua gjithashtu me Njësinë e Operacioneve Speciale të Administratës kundër Narkotikëve (DEA)", shkruan ambasada.
Mëngjesin e një dite më parë (3 nëntor) prokurorët e SPAK, më në krye Altin Dumanin zhvlluan takime në departamentin e shtetit. Nga Shtetet e Bashkuara të Amerikës erdhi mesazhi se “Reforma në drejtësi po jep rezultatet e duhura”. Mbështetja ndaj tij vjen në një kohë që Sali Berisha, i akuzoi sërish prokurorët e SPAK, se kanë nisur një sulm politik ndaj tij, të orkestruar nga Edi Rama, pasi iu caktua masa e sigurisë detyrim paraqitje dhe ndalim për të dalë jashtë shtetit në lidhje me aferën e ish-kompleksit Partizani.
B.K/ReportTv.al
Komente
Pra USA po i thote troç salehut,edvinit,likes dhe tere sojit e sortollopit tyre se ka filluar numurimi mbrapsht kriminelet,vrasesit dhe te korruptuarit nder pranga,ne burg dhe dorzimi i pasurise vjedhur e grabitur ne thesarin e shtetit.
Përgjigju