Xavi Hernandez ka ndryshuar vendimin për t'u larguar nga Barcelona në fund të sezonit dhe do të qëndrojë si trajner edhe vitin që vjen, kjo pas bisedimeve me presidentin e klubit, Joan Laporta dhe anëtarët e bordit të mërkurën.
“Xavi do të qëndrojë, ai është me të vërtetë i lumtur dhe i emocionuar”, u tha zëvendëspresidenti i Barcelonës, Rafa Yuste, gazetarëve jashtë shtëpisë së Laportës, ku kishte pasur diskutime.
“Ne kurrë nuk kemi hapur bisedime për ndonjë trajner tjetër. Deco (drejtori i Barçës) i beson Xavit, është e garantuar”, tha Yuste.
Xavi u takua ballë për ballë me Deco më herët të mërkurën, me Laporta që ka nxitur drejtuesit të bindin trajnerin dhe duket se ia ka dalë. E konfirmuar nga zëvendëspresidenti, edhe Joan Laporta njoftoi një konferencë me trajnerin.
Paçka eliminimit nga Kupa, Championsi dhe humbja në El Clasico me Realin që solli largimin nga titulli i La Ligas, Xavi duket se ka bindur për klimën dhe elementët e rinj që ka zbuluar dhe aktivizuar. Xavi do respektojë kështu kontratën me Barçën që i skadon në 2025.
S.DH/ReportTv.al