Kryesuesit e Superligës, Egnatia ka nënshkruar për dy sezone e gjysmë me mbrojtësin Rezart Rama. 23-vjeçari ka dalë nga akademia e Olympiacos në Greqi, teka ka luajtur edhe për moshat e Nottingham. Veç saj, ai është aktivizuar në Angli me Truro City, teksa vjen në Shqipëri nga Kanadaja ku për dy sezone ishte pjesë e Forge FC.
"Klub Futboll Egnatia njofton se ka arritur të nënshkruaj kontratë për 2 sezone e gjysmë me mbrojtësin 23-vjeçar Rezart Rama. Mbrojtësi vjen tek klubi ynë pas aventurës në Canada tek Forge FC, Rama ka qenë dhe pjesë e kombëtares U-20 në disa ndeshje", thuhet në njoftim.
Mbrojtësi që luan në krahun e djathtë edhe në qendër ka qenë pjesë e moshave të Shqipërisë dhe është aktivizuar edhe për U-20. Duket se Egnatia është duke rritur stekën dhe afruar emra të spikatur.
