Luis Suarez është sulmuesi më i ri i Inter Miamit në elitën e futbollit amerikan. Klubi i David Beckham ka bashkuar Lionel Messin me Luis Suarezin. Uruguaiani ka nënshkruar kontratë 1-vjeçare me opsion zgjatjen më tej.
Tetë herë fituesi i Topit të Artë, Lionel Messi është padyshim ndër lojtarët më të mirë të të gjitha kohërave dhe me mbërritjen tek Inter Miami klubi nga Florida fitoi trofeun e parë. Tanimë së bashku me Messin në klubin nga Florida janë bashkuar si një mini-Barcelona edhe Busquets, Jordi Alba dhe Luis Suarez.
Luis Suarez u largua nga Atletico Madridi në qershor 2022 dhe u kthye në klubin e tij të fëmijërisë, në Uruguaj. Te Nacional ai fitoi titullit, duke shënuar 8 gola në 14 paraqitje.
Ai u largua nga klubi i tij i fëmijërisë për t’u bashkuar me klubin brazilian Gremio. 36-vjeçari e udhëhoqi skuadrën braziliane afër titullit, por në fund nuk arriti ta fitonte pasi Palmeirasi grumbulloi dy pikë më shumë.
Tanimë te Inter Miami së bashku me ish-shokët te Barcelona, Suarez duket se do jetë sërish mes golashënuesve.
S.DH/ReportTv.al