Matias Lloci është futbollisti më i ri i Teutës së Durrësit në Superligën e futbollit. Të ndodhur në pozita jo komode gjatë gjysmës së parë të sezonit, "Djemtë e Detit" kanë lëvizur në merkato dhe kanë bërë të vetin 23-vjeçarin. I lindur në Aalst të Belgjikës, Lloci luan si fantazist dhe në krahët e sulmit, teksa ka qenë pjesë e moshave të Belgjikës, duke shënuar edhe dy gola në shtatë ndeshje me U-19.
"KF Teuta ka kënaqësinë të njoftojë se mesfushori Matias Lloci është zyrtarisht pjesë e skuadrës sonë. Klubi ynë ka arritur ditën e sotme një marrëveshje me lojtarin 23 vjeçar, i cili vjen te Teuta pas eksperiencës pozitive me ekipin e Virton, në Belgjikë ndërsa ka luajtur edhe me klubin e KVC Uesterlo. Lloci ka qënë njëkohësisht kontigjent i ekipeve përfaqësuese të Beligjikës U-17, U-18 dhe U-19", thuhet në njoftim.
Edhe pse gjashtë muajt e fundit nuk ka qenë në aktivitet, Teuta ka bërë të vetin Llocin që më herët ka mbajtur veshur fanellat e Gent, Uesterlo dhe Vurton.
S.DH/ReportTv.al