SHKODËR - Andrey Yago da Silva Mesquita është mbrojtësi më i ri i Vllaznisë. 26-vjeçari brazilian është prezantuar sot në ambientet e "Loro Boriçit", dukë nënshkruar një kontratë 1 vjeçare me të drejtë rinovimi edhe për një tjetër sezon.
"KF Vllaznia bën të ditur se pjesë e tij nga sot është edhe futbollisti brazilian Andrey Yago da Silva Mesquita Almeida. Ai është 26 vjeç dhe luan në rolin e mbrojtësit të majtë dhe ka firmosur një kontratë 1+1 me klubin tonë. Andrey Yago ka luajtur më parë në Brazil, Portugali dhe Maqedoninë e Veriut. Tani i urojmë suksese me fanellën kuqeblu", njoftojnë shkodranët.
Eksperienca e tij e fundit ishte me Makedonija në Maqedoninë e Veriut, teksa ka luajtur edhe në Portugali me CD Fatima e në Brazil me Desportiva ES dhe Laranjeiras ES. Ky është afrimi i parë i Vllaznisë në këtë merkato janari.
