Një 50-vjeçare ka humbur jetën pasi nuk ka mundur të dalë dot nga banesa e saj, që ishte përfshirë nga flakët. Ngjarja e rëndë ka ndodhur rreth orës 17:45, në lagjen “Lef Sallata” në Vlorë.
Gruaja E.Gj., 50 vjeç, ishte e paralizuar dhe e vetme në momentin e rënies së zjarrit. 50-vjeçarja nuk ka mundur të dalë dot nga banesa dhe për pasojë është djegur duke humbur jetën.
Zjarrfikësja ka bërë të mundur shuarjen e flakëve, por fatkeqësisht ishte shumë vonë të 50-vjeçaren.
Paraprakisht dy janë pistat që po hetohet për shkaqet e rënies së zjarrit, si pasojë e një shkëndije elektrike ose flakët mund të kenë nisur nga ndonjë fërnellë eklektike të cilën 50-vjeçarja mund ta përdorte për ngrohje.
Komento
