Katër fëmijë të moshës gjashtë muaj deri në 5 vjeç, humbën jetën pas zjarrit që ra në banesën e tyre në Novi Pazar të Serbisë. Prindërit e tyre ndodhen në spital, ndërsa në qytet u vendos që e hëna të jetë ditë zie. Kur zjarrfikësit mbërritën në vendin e ngjarjes, gjetën trupat e fëmijëve që më shumë gjasa kanë vdekur nga asfiksia, prindërit e tyre u gjetën të lënduar nga zjarri.
Babai ka pësuar djegie në 50 për qind të trupit dhe është transportuar në spital në Beograd, ndërsa nëna është mbajtur në Spitalin e Përgjithshëm në Novi Pazar. Zjarri ka ndodhur mëngjesin e sotëm rreth orës 7.
“Edhe pse zjarrfikësit kanë reaguar shumë shpejt dhe kanë arritur në vendin e ngjarjes, duket se zjarri ka shpërthyer shumë më herët se sa vetë raportimi, duke pasur parasysh se zjarri është kapur në fazë të furishme”, thuhet në njoftimin e Ministrisë së Brendshme.
Qyteti e ka shpallur ditën e nesërme Ditë Zie për shkak se tragjedia ka tronditur gjithë qytetin.
K.T./ReportTv.al