Zhvlerësimi i euros, më pak të ardhura për bizneset! Dhoma e Tregtisë Lezhë: Të ndërhyjë Banka e Shqipërisë

Forcimi i monedhës sonë përkundrejt euros po jep ndikim negativ në sektorët e turizmit, ndërtimit dhe eksportet. Vetëm në bizneset e qarkut të Lezhës humbja nga zhvlerësimi i euros shkon në 30 miliardë lekë. Dhoma e Tregtisë ne Lezhe kërkon ndërhyrje nga Banka e Shqipërisë dhe Qeveria përmes një pakete financiare mbështetëse.

16 Qershor 2023, 16:44| Përditesimi: 16 Qershor 2023, 17:10

  • Share

1 euro sot këmbehet me 108 lek dhe u bënë disa ditë që monedha evropiane është në pikiatë.  Biznesmenët ankohen se zhvlerësimi i euros jep ndikim negativ në ekonomi sepse mallrat dhe shërbimet tregtohen në monedhën evropiane dhe kostot janë në lek. Kjo sjell më pak të ardhura sektorin e turizmit dhe ndërtimit, që janë degët kryesore të ekonomisë në qarkun e Lezhës.

“Është problem shqetësues sepse ne bëjmë shumë transaksione në euro dhe pastaj pagesat i bëjmë në lek dhe konvertimi i euros në lek është katastrofë. 1 në 4 euro hyn në mënyrë informale dhe kjo e ka sjell zhvlerësimin e euros. Sektori i eksportit është më i godituri për shkak të kontratave me të huaj”, tha PASHK PALOKA KRYETAR I DHOMES SE TRAGTISE LEZHE

Nevoja për ndërhyrje nga Banka e Shqipërisë është e madhe thonë sipërmarrësit, pasi po dëmtohet prodhimi vendas dhe investimet.

“Duhet të ndërhyjë qeveria por s’ka interes për ta bërë sepse e ka lekun e fortë dhe likuidon sa më borxhe. Por qeveria duhet të konsultohet shumë me grupet e bizneset. Qeveria mund të ndërhyjë bashkë me Bankën e Shqipërisë për të zhvlerësimin e lekut”, tha Zef Shtjefni, Eskportues. 

“Banka qendrore e ka me ligj për të siguruar kursin e monedhës vendase. E dyta duhet të na rimbursojë qeveria sepse kemi vështirësi sidomos në dhënien e pagave”, tha DRINI ZUSI EKSPORTUES

Sipas përllogaritjeve mbi 200 milion euro pritet që të impaktohen në ekonominë e Lezhës gjate 3 muajve në vijim, por do të mungojnë më shume se 30 miliardë lek me pak vetëm nga zhvlerësimi i euros.

G.MO//ReportTv.al
Komento

Komente

  • Mario: 16/06/2023 17:14

    kerkesa eshte e drejte por banka e shqiperise i ka duart e lidhura me fort se qeveria per shkak te nivelit te larte te botxhit afatmesem te qeverise e cila duhet te gjej nje formule me fleksibel rimbursimi per eksportuesit e medhenj ne valuten e perdorur ne transaksione nepermjet ministrise se financave nje kompensim me i drejte duke futur me shume euro per kostot shtese operacionale te krijuara nga fuqizimi i lekut

    Përgjigju
    • Hahaha: 16/06/2023 20:40

      Po pse sillka renie te te ardhurave renia e euros!? Ne Shqiperi monedhs zyrtare eshte Leky pse shesin me Euro keta biznesmenet!? Nese shesin me leke nuk ka efekt negativ. Banka e Shqiperise eshte e mbaruar vec me delinkuente qokash te politikes

  • Sondazhi i ditës:

    Si e vlerësoni funksionimin e Gjykatave dhe Prokurorive në qarqe?