Në lidhje me zgjedhjet lokale të 14 majit, ambasadori britanik tha se procesi u administrua mirë ndërkohë që duhet të priten rezultatet e raportit përfundimtar të ODHIR-it.
“Natyrisht, rezultatet e zgjedhjeve bazohen te një sërë elementesh të ndryshme, procesi është vetëm një prej tyre. Ne dëshirojmë të shohim një demokraci të fortë, me parti të forta, me opozitë të fortë, një opozitë efektive dhe të besueshme që mund të jetë edhe një alternativë efektive në qeveri, dhe është zhgënjyese kur është e qartë se aktualisht opozita ka qenë shumë e fragmentuar.
Përtej kësaj, ka pasur edhe shqetësime përgjatë procesit të zgjedhjeve se aktualisht ka ende disa nga ato zakonet e vjetra, si shit-blerja e votës, intimidimet, gjëra që evidentohen në raportin paraprak të ODHIR-it, i cili u publikua vetëm pak kohë pas zgjedhjeve. Ne duhet të presim për raportin e tyre përfundimtar për të parë ndikimin e plotë, gjë që do të na ndihmojë të kuptojmë nëse përbën realisht diferencë thelbësore në rezultate ose në janë thjesht disa shqetësime”, tha King-Smith.
Lajmi kryesor:
Ambasadori britanik në Report Tv, paralajmëron ‘non grata’ të reja: Në javët e ardhshme një valë e re sanksionesh! Emrat do bëhen publikë
//ReportTv.al