Presidenti ukrainas, Volodymyr Zelensky, paralajmëroi të dielën se shkurtimi i ndihmës amerikane për Ukrainën do të ishte një “shenjë e keqe” pasi paketa e re e financimit mbetet e bllokuar në Kongres.
“Pasiviteti nga SHBA, ose mungesa e mbështetjes, do të ishte një shenjë e keqe. Kjo nuk do të ishte e drejtë për askënd. SHBA është partneri ynë numër një”, tha Zelensky gjatë një interviste të transmetuar nga transmetuesi publik gjerman ZDF.
Presidenti amerikan, Joe Biden i ka kërkuar Kongresit të miratojë paketën shtesë prej 61 miliardë dollarësh. por negociatat me republikanët, të cilët kërkojnë shkëmbime, veçanërisht për politikën e imigracionit, janë bllokuar.
Ndarja më e fundit e ndihmës ushtarake të SHBA-së për Ukrainën u njoftua më 27 dhjetor. Përballë ngërçit të zgjatur, Zelensky i bëri thirrje Berlinit që të përdorë peshën e tij ekonomike për të mobilizuar partnerët evropianë për të mbushur boshllëkun.
S.S/ReportTv.al“Shumë vende kanë marrëdhënie të shkëlqyera ekonomike me Gjermaninë dhe ekonomitë e tyre varen nga vendimet e saj, pasi ajo ka një ekonomi të fortë. Gjermania mund të arrijë të forcojë (mbështetjen e) BE-së”, tha Zelensky.
