Presidenti i Ukrainës, Volodymyr Zelensky, është shprehur se rreziqet e konfliktit të Ukrainës mund të përshkallëzohen në një Luftë të Tretë Botërore.
Ai shtoi se nëse Rusia godet një vend të NATO-s, do të ishte “fillimi i Luftës së Tretë Botërore”, raporton The Independent.
“Më duket se kancelari gjerman Olaf Scholz është i vetëdijshëm për këtë rrezik”, tha Zelensky.
Ai i kërkoi gjithashtu Gjermanisë të përdorë peshën e saj ekonomike për të mbledhur më shumë mbështetje për Ukrainën në luftën kundër Rusisë nga partnerët e BE-së, mes perspektivës së pakësimit të mundshëm të ndihmës ushtarake nga SHBA për shkak të kundërshtimeve republikane në Kongres.
"Pasiviteti nga Shtetet e Bashkuara ose mungesa e mbështetjes do të ishte një sinjal i keq", tha Zelensky.
Zelensky tha se përgjigja e dobët e Perëndimit ndaj pushtimit rus të Krimesë në vitin 2014 e inkurajoi Moskën për të nisur pushtimin në shkallë të plotë në vitin 2022 dhe tha se përgjegjësia shkon përtej përgjigjes nga Gjermania.
S.S/ReportTv.al"Nuk ka të bëjë vetëm me Olaf Scholz. Kjo ka të bëjë me liderët evropianë dhe SHBA", tha Zelensky.
