Ambasadorja e SHBA-ve në Tiranë Yuri Kim ka zhvilluar sot një takim me kreun e SPAK. Lajmin e ka dhënë vetë ambasadorja Kim përmes një postimi në Tëitter.
Kim shkruan se SPAK do të hetojë penalisht korrupsionin dhe krimin e organizuar pavarësisht sa i pasur, i fuqishëm apo cilës parti mund të jetë një individ.
"Takova sot shefin e SPAK për të nënvizuar edhe një herë pritshmërinë që SPAK do të ndjekë penalisht korrupsionin dhe krimin e organizuar - pavarësisht sa i fuqishëm apo i pasur, pavarësisht se cila parti. Me më shumë prokurorë dhe hetues të rinj të BKH, SPAK po jep gjithnjë e më shumë rezultate çdo ditë. Që nga fillimi i vitit 2021, SPAK ka hapur 264 raste të reja (218 korrupsion + 46 organizata krim). 127 persona janë dënuar. Vendimet përfundimtare të gjykatës konfirmuan konfiskimin e € 70+ milion që tani i janë transferuar shtetit shqiptar. Hap pas hapi", shkruan Kim.
Ky takim dhe mesazh i Kim vjen pas letrës së dërguar në drejtim të OPDAT në ambasadën amerikane nga ana e drejtueses së Kolegjit të Posaccëm të Apelit Albana Shtylla, e cila është ankuar pikërisht për SPAK, institucion i cili sipas saj nuk respekton afatet proceduriale në hetimet për gjyqtarët e KPA.
Lajmi kryesor:
KPA i ankohet amerikanëve: SPAK nuk po respekton afatet procedurale në procedimet penale për gjyqtarët tanë! Kim pas takimit me Krajën: Të korruptuarit do të hetohen
K.T.//ReportTv.al