Ylber Ramadani

Ylber Ramadani në Serie A për 1 milionë euro

22 Korrik 2023, 10:59| Përditesimi: 22 Korrik 2023, 11:00

  • Share

Mesfushori i Kombëtares shqiptare, Ylber Ramadani është pranë kalimit te Lecce në Serie A. 27-vjeçari është lidhur edhe më herët me një kalim në Itali, teksa eksperti i merkatos Gianluca Di Marzio përforcon zërat për ish-lojtarin e Partizanit.

Sipas tij, klubi nga Puglia është i gatshëm të ofrojë 1 milionë euro për të bërë të vetin mesfshorin e Aberdeen në Skoci. Ramadani ka kontratë me ekipin deri në verën e 2025 dhe skocezët nuk ulen nga pretendimet e tyre.

Pas javës negociatash, duket se Lecce ka rënë dakord për shumën. Pritet që Ramadani të bashkohet me një tjetër lojtar të Kombëtares, teksa edhe Kastriot Dermaku është pjesë e Lecces.

I dalë nga moshat e Ferizaj, Ramadani ka luajtur edhe me Prishtinën dhe Dritën në Kosovë, teksa spikati te Partizani gjatë sezonit 2016-17. Më pas karriera e mesfushorit vijoi te Vejle në Danimarkë dhe MTK Budapest në Hungari, para se në verën e 2022 të kalonte te Aberdeen në Skoci. Ramadani ka luajtur 27 ndeshje me Kombëtaren, duke shënuar edhe një gol.

S.DH/ReportTv.al
Komento
  • Sondazhi i ditës:

    Kuvendi kërkon që Greqia të heqë ligjin e luftës, si e vlerësoni?