Deputetja e Partisë së Lirisë, Erisa Xhixho ka deklaruar se shqiptarët nuk kanë shpresë në një të ardhme, për këtë arsye vendi po vuan nga largimet masive.
Duke publikuar të dhënat e një sondazhi nga IDRA, ajo thotë se kjo ikje masive ka ardhur për shkak të keqqeverisjes.
“Shqiptarët nuk kanë shpresë në një të ardhme më të mirë për fëmijët e tyre në Shqipëri. Ikja masive e të rinjve nga Shqipëria përgjatë viteve të fundit i ka rrënjët pikërisht te keqqeverisja që ka vrarë çdo shpresë.
Një sondazh i IDRA-s nxjerr në pah edhe njëherë pakënaqësinë e qytetarëve shqiptarë me drejtimin në të cilin kjo qeveri po e çon vendin.
Pjesa më e madhe e moshave nga 18-55 vjeç mendon se Shqipëria po ecën në drejtimin e gabuar Gati 3/4 e të pyeturve mendojnë se brezi i ri nuk do të ketë të ardhme në Shqipëri
Është pikërisht kjo pakënaqësi ekstreme arsyeja pse shqiptarët ua kalojnë edhe ukrainasve në kërkesat për azil. Ata i ikin vdekjes, shqiptarët i ikin keqqeverisjes, korrupsionit dhe pabarazisë. Më 14 maj, shqiptarët kanë mundësinë ta kthejnë qeverisjen vendore nga një qeverisje moniste, në një qeverisje për t’i shërbyer qytetarëve”, shkruan Xhixho.
B.K./ReportTv.al
