Ministrja e Jashtme, Olta Xhaçka ka zhvilluar ditën e sotme një takim me ambasadorin e Italisë, Fabrizio Bucci.
Përmes një postimi në rrjetin e saj social Twitter, Xhaçka ka theksuar se Italia mbetet një ndër mbështetësit dhe partnerët strategjikë kryesor të Shqipërisë.
Ajo nuk ka lënë pa shprehur edhe mirënjohjen kundrejt Italisë për ndihmën e menjëhershme pas tërmetit të 26 nëntorit të vitit të kaluar dhe mbështetjes për rindërtimin.
Ajo në fund të postimit tha se diskutuan edhe lidhur me bashkëpunimin e shkëlqyer mes 2 vendeve për fusha interesi të përbashkëta dhe masat anti-COVID.
“Një takim i shkëlqyer me ambasadorin italian Frabrizio Bucci. Italia mbetet një ndër partnerët kryesor strategjik dhe mbështetësit e Shqipërisë. Jam mirënjohëse ndaj Italisë për ndihmën e menjëhershme pas tërmetit të 26 nëntorit dhe për suportin e rikonstruktimeve. Ne diskutuam edhe në lidhje me bashkëpunimin e shkëlqyer mes 2 vendeve për fusha interesi të përbashkëta dhe masat anti-COVID.”, postimi i Olta Xhaçkës në Twitter.
