Whitney Houston do të rikthehet me një tur koncertesh më 25 shkurt.
Sipas CNN, kjo do të mundësohet përmes teknologjisë së hologrameve.
8 vite pas vdekjes tragjike, do të jetë holograma e këngëtares së mirënjohur që do të zhvillojë një tur evropian muzikor.
"Tani është koha e duhur. Në frymën e Whitney, unë e di që ne po bëjmë gjënë e duhur", tha Pat Houston, kunata dhe ish-menaxherja e këngëtares.
Javën e kaluar, disa përfaqësuesve të medieve iu dha një material me titull, "Një mbrëmje me Whitney”, ku shfaqet holograma e Houston në një skenë gati të padukshme me një grup kërcimtarësh që performojnë live.
Për aparencën e hologramit është kujdesur Timothy Snell, i cili ka përzgjedhur veshje që diva e muzikës i admironte, përfshirë ngjyrat dhe shkëlqimin.
“Whitney-t I pëlqente të ishte e sofistikuar dhe e përjetshme dhe ajo shfaqet vërtet e tillë në këtë shfaqje”, tha Snell.
Koncertet do të nisin me Anglinë më 25 shkurt, për të vijuar më pas me SHBA-në.
Disa nga këngët më të njohura të saj janë pjesë programit muzikor si "How will I Know," "Saving All My Love For You," "I will Always Love You," etj.
Gjithashtu edhe hologramet e Tupac and Roy Orbison kanë qenë shumë të suksesshme kur u performuan.
