Presidenti i Serbisë, Aleksandër Vuçiç ka zhvilluar sot një takim me kryetarin e Dhomës së Përfaqësuesve të Parlamentit të Rumanisë, Alfredo Robert Simonis.
Pas takimit ai u shpreh se e vlerëson faktin se Rumania nuk e ka njohur pavarësinë e Kosovës, pavarësisht presioneve.
Vuçiç u shpreh se gjatë bisedës është biseduar për intensifikimin e mëtejshëm të lidhjeve dhe bashkëpunimin reciprok, raporton agjencia e lajmeve serbe Tanjug.
S.S/ReportTv.al“Ne e vlerësojmë shumë faktin se Rumania, pavarësisht presioneve të forta ndaj të cilave është e ekspozuar, ende i qëndron vendosmërisht qëndrimit të saj për mosnjohjen e pavarësisë së shpallur në mënyrë të njëanshme të të ashtuquajturës Kosovë, dhe jemi mirënjohës për mbështetjen që marrim nga Bukureshti për progresin në rrugën tonë evropiane dhe vazhdimin e dialogut ndërmjet Beogradit dhe Prishtinës, bazuar në qasjen e përgjegjshme të të gjithë të përfshirëve”, tha Vuçiç.
