Sokol Sanxhaktari, dhëndri i ish kryebashkiakut të Elbasanit, Qazim Sejdini i është drejtuar me rekurs Gjykatës së Lartë ku ka kërkuar prishjen e vendimit të dhënë nga gjykata e Apelit në Durrës.
Sanxhaktari u dënua me 10 vite burg në muajin shtator të këtij viti, për vrasjen e shokut të tij të fëmijërisë Florenc Lamçaj.
Për ngjarjen e ndodhur në 31 Korrik të 2020-tës në Elbasan, u dënua me tetë vite burg edhe Adriano Hajdari i cili akuzohet si bashkëpunëtor në ngjarje. Hajdari gjithashtu ka bërë rekurs të vendimit të dhënë nga gjykata e Apelit në Durrës.
Krimi ndodhi në një lokal lagjen ‘Gurakuqi’ të qytetit të Elbasanit. Pas hetimeve të kryera, u bë me dije se personat që ndodheshin nën shoqërinë e njëri-tjetrit, kishin konsumuar shumë alkool dhe në rrethana ende të pazbardhura, kishin nisur të përplaseshin fizikisht me sende të forta dhe shishe, gjë që ka sjellë edhe vdekjen e Florenc Lamçajt.
B.V/ReportTv.al