Mediat italiane kanë publikuar pamjet e arrestimit të Gjovalin Lesit, i arrestuar ditën e djeshme (3 prill), pasi ishte shpallur në kërkim ndërkombëtar për vrasjen e motrës dhe kunatit më vitin 1997 në Rubik.
Mediat italiane raportojnë se përgjatë gjithë këtyre viteve Lesi kishte arritur të jetonte qetësisht në Itali, pasi kishte mundur të përdorte identitetin e vëllait të tij me aftësi të kufizuara.
55-vjeçari, është dënuar nga Gjykata e Mirditës në vitin 1998 me burgim të përjetshëm, për vrasjen me kallashnikov të kunatit dhe motrës së tij pas një sherri për motive të dobëta.
Ai tanimë ndodhet në burgun e Materës dhe pritet të ekstradohet në Shqipëri.
B.K/ReportTv.al
Komento