Elton Sefa, punëtor shqiptar i cili vrau për menaxherin anglez në firmën e ndërtimit ku punonte, është dënuar me dënim të përjetshëm.
24-vjeçari shqiptar nga Durrësi, u shpall fajtor për vrasjen e 47-vjeçarit John Woodward dhe gjykata dha dënimin e përjetshëm.
Menaxheri i firmës së ndërtimit, ishte viktimë e një sulmi brutal nga duart e punëtorit që ai kishte marrë përsipër ta ndihmonte dhe ta mbështeste. Ai u gjet nga kolegët me plagë në kokë të shkaktuara nga goditjet me thikë dhe sende të forta. Elton Sefa u arrestua nën dyshimin e përfshirjes në vrasje. Pas vrasjes, ai u largua nga Britania e Madhe për në Shqipëri përmes Holandës.
Në gjykatë Sefa ka thënë se nuk e kujton incidentin dhe nuk është mbajtur si dëshmitar në gjyqin ndaj tij. Pra ai nuk ka shprehur asnjë motiv se pse e kreu vrasjen. Sefa u dënua me burgim të përjetshëm, me të drejtë për të kërkuar lehtësim të dënimit pas 22 vitesh.
Elton Sefa shënoi rastin e parë të ekstradimit të një shqiptari në Mbretërinë e Bashkuar që nga hyrja në fuqi e marrëveshjes së ndërsjelltë mes dy vendeve. Sefa u arrestua në zonën e Shijakut pasi autoritet britanike kishin lëshuar një urdhër ndërkombëtar arresti për akuzën e vrasjes me dashje.
Gjykata e Shkallës së Parë Durrës, në 2 mars 2019 vendosi ekstradimin e Sefës në Britani. Ky vendim nuk u prit mirë nga familjarët e Sefës të cilët pretendojnë se djali i tyre nuk ka qenë i përfshirë në ngjarje, por thjesht erdhi në Shqipëri nga frika se ishte pa letra. Avokati mbrojtës i Sefës, Arsen Çaushaj i kërkoi Gjykatës së Durrësit pezullimin e ekstradimit duke vënë para Gjykatës dhe prokurorit Ilir Turja, një sërë dokumentesh që vërtetojnë se 25-vjeçari është i papërgjegjshëm mendërisht me diagnozën çrregullim psikotik. Sipas dokumenteve rezultonte se Sefa ishte shtruar në spitalin psikiatrik në Tiranë prej 26 shtatorit 2018 deri në 13 gusht 2019. Por, Gjykata e Durësit nuk pranoi provat e trupës mbrojtëse dhe Elton Sefa u ekstradua në 15 janar të 2020.
M.Q./ReportTv.alKomente
Ky esht shteti qe dona oo shqiptar ae Shifni sa mire Po funksjonojn gjykatat bravo
PërgjigjuHë, kjo eshte drejtesi. Dil nga burgu 60 vjec tashi kokra legenit.
Përgjigjumos te raft ty se pastaj e shef ti se si mendon ndryshe pastaj.