Gjykata spanjolle ka vendosur dhe urdhëruar marrjen e një kampioni ADN të Florian Ramës, i cili akuzohet për vrasjen e 24-vjeçarit Soufian Mraha në qershor 2019.
30-vjeçari shqiptar, i cili thuhet se ka vrarë të riun pas një debati në një bar u ekstradua nga Anglia në Spanjë në janar të këtij viti.
Sipas mediave të huaja, identiteti i tij si autor për vrasjen e 24-vjeçarit është konfirmuar nga të paktën 3 dëshmitarë.
Gjithashtu kamerat e sigurisë në rrugë kanë filmuar një person që largohej nga vendi ngjarjes drejt një rruge që për “jetonte edhe një shok” i Ramës (këtë ka dëshmuar vrasësi shqiptar).
Megjithatë Gjykata ka kërkuar edhe ADN e të dyshuarit për të përforcuar provat lidhur me autorësinë por Rama ka refuzuar duke detyruar gjykatën të kërkojë marrjen forcërisht të saj.
ADN-ja e Florian Ramës do të krahasohet me profilin gjenetik mashkullor të një gjurme gjaku në vendngjarje.
K.M/ReportTv.al
