Ish-deputeti i Partisë Demokratike, Azgan Hakalaj ka komentuar në emisionin ‘Repolitix’ në Report Tv situatën e krijuar në veri të Kosovës, pas vrasjes së efektivit nga bandat serbe. Haklaj thotë se plani i tyre ka qenë për spastrim etnik dhe kishin si qëllim ndaljen e dialogut mes Kosovës dhe Serbisë.
“Pata paralajmëruar që janë vendosur në Nish trupa speciale ruse dhe po trajnojnë një mini ushtri. Nuk është grup i strukturuar kriminal, është ushtri, pamjet, pajisja, është ushtri elitë që drejtohet nga treshja famëkeqe, Vuçiç-Vulin, Rajdoçiç. Kanë patur një plan të detajuar, kanë zgjedhur një pozicion strategjik, kishën e Shën Stefanit, e cila ka një dalje mbrapa. janë mbi 2510 vetë të specializuar për të bërë terror në Mitrovicën dhe qëllimi ishte për ta spastruar etnikisht dhe për të ndalur dialogun. Qëllimi është për ta përfshirë të gjithë rajonin në luftë hibride, ndarja e Mitrovicës”, tha Hakalaj.
Lajmi kryesor:
Vrasja e policit në veri të Kosovës, Hajdari në 'Repolitix': Terrorizëm politik! Haklaj: Synohej spastrim etnik! Kalaja: Pas sulmit fshihet Vuçiç
SI.E.//ReportTv.al