Zbardhja e vrasjes së biznesmenit Ardian Nikulaj në Shëngjin është një punë shumë e mirë e policisë. Kështu deklaron eksperti i sigurisë Artan Rexhepi në një intervistë për emisionin ‘Sot Live në Shqipëri’ në Report Tv, i cili nënvizoi se kemi të bëjmë me një grup të strukturuar kriminal. Sipas Rexhepit përdorimi i bandës së huaj tregon edhe fuqinë financiare që ka krimi.
Rexhepi thekson se Nikulaj ishte një person i fuqishëm në zonë dhe se vetëm në këtë formë mund t’i afroheshin, pra pikërisht shtetasin e huaj.
‘Puna e policisë është shembullore. Do të ishte mirë që ky intensitet i fiksimit të provave të ishte edhe për ngjarje të tjera kriminale. Në rastin konkret dyshohet për gjakmarrje, pro gjithsesi është një grup i strukturuar kriminal. Pala e policisë është e admirueshme. Banda e huaj tregon fuqinë financiare të krimit. Ndërhyrja fillestare lë për të dëshiruar, por puna e policisë është e admirueshme. Qëllimi kryesor i autorit është realizmi i veprës penale. Ata janë njerëz që rriten për të vrarë mbahen mirë nga mafia dhe në momentin e duhur përdoren. Në planin e realizmit të detyrës për asgjësimin viktimës ato e kanë realizuar. Nikulaj ishte një person i fuqishëm në zonë dhe vetëm në këtë formë shtetas që huaj mund të afroheshin.’- tha Rexhepi.
Rexhepi shtoi se një atentat i tillë mund të ketë kushtuar deri në 500 mijë euro. Sa i takon vrasjes për hakmarrje, sipas ekspertit, vrasje të tilla kanë 0 shanse që të parandalohen.
‘Nuk është faktuar se është histori gjakmarrje. Historitë e gjakmarrjes kanë 0 shance që të ndalohen, përderisa kohë hyn kodi i nderit dhe në këtë kuadër vështirësohet parandalimi.’- tha Rexhepi.
Pak ditë më parë, policia zbardhi vrasjen e Ardian Nikulajt dhe shpalli në kërkim, ekzekutorin portugez Ruben Saraiva, porositësin Edmond Haxhia, shtetas shqiptaro-britanik! Ndërkohë në kërkim janë shpallur edhe katër bashkëpunëtorët britanikë. Të gjithë janë larguar nga Shqipëria.
M.Q.//ReportTv.alKomente
mire eshte qe policia te mbgeshtetet tek ekspertet e cdo fushe. dhe sekuestrimi i aseteve te krimit eshte shume i rendesishem, pasi u pret krahet bandave
Përgjigju