Një takim urgjent për hetimin e ngjarjes ku ka mbetur i vrarë Klodjan Rasha, është duke u zhvilluar tani në Prokurorinë e Rrethit Gjyqësor, Tiranë.
Drejtori i ShÇBA-së, dhe strukturat e tjera hetimore, po analizojnë ngjarjen me detaje si dhe po nxjerrin detyrat për hetimin objektiv të çështjes. Ndërkohë është dërguar ne Gjykatë nga ana e Prokurorisë, kërkesa për caktim masë sigurimi personal Arrest ne Burg, për policin.
Vijojnë hetimet intensive për zbardhjen e plotë të rrethanave të ngjarjes. Në takim mësohet të jenë Drejtuesi i Prokurorisë, Tiranë, Elizabeta Imeraj, grupi hetimor qe drejtohet nga Prokurori Ardian Braho, dhe forcat e policisë.
Për vrasjen e Rashës dje janë zhvilluar protesta të dhunshme nga ana e qytetarëve. Policia ka arrestuar 3 organizatorët e protestës, nën hetim në gjendje të lirë ka vënë 2 organizatorët e Durrësit! Në kërkim është këngëtari Arkimed Lushaj i njohur me emrin e artit Stresi dhe 7 protestues të tjerë. Nga protesta sipas policisë kanë mbetur të lënduar 16 efektivë. I riu u vra mëgjesin e 8 dhjetorit nga një efektiv policie në rrugën "Dritan Hoxha".
