Shtetet e Bashkuara ofrojnë pesë milionë dollarë për informacione që do të çonin në arrestimin e përgjegjësve për vrasjen e kandidatit për president të Ekuadorit, Fernando Villavicencio, njoftoi Sekretari amerikan i Shtetit, Anthony Blinken.
“Shtetet e Bashkuara do të vazhdojnë të mbështesin popullin e Ekuadorit dhe të punojnë për të sjellë para drejtësisë individët që kërkojnë të minojnë proceset demokratike”, tha Blinken.
Villavicencio, një ish-deputet dhe gazetar kundër korrupsionit, u qëllua për vdekje në Quito më 9 gusht, më pak se dy javë përpara zgjedhjeve presidenciale, raporton agjencia e lajmeve The Financial.
Sipas agjencisë së lajmeve Reuters, Policia e Ekuadorit ka arrestuar gjashtë të dyshuar për të cilët thotë se janë të gjithë kolumbianë që i përkasin grupeve kriminale.
Përveç shpërblimit prej 5 milionë dollarësh, Blinken njoftoi gjithashtu një shpërblim prej 1 milion dollarësh për informacionin që çon në identifikimin ose vendndodhjen e çdo individi që mban një pozicion kyç drejtues në grupin përgjegjës për vdekjen e Villavicencio.
S.S/ReportTv.al