LEZHË- Babë e bir u ekzekutuan me armë zjarri nga ish-dhëndëri i tyre në Lezhë. Krimi i rëndë ndodhi rreth orës 23:00 të mbrëmjes të së hënës në fshatin Gryk Zezë, ndërsa viktimat janë Pjerin Perjaku 56-vjeç dhe Gent Perjaku 32-vjeç. Ndaj tyre u qëllua me breshëri plumbash sapo kishin hyre në oborrin e banesës së tyre dhe nga plagët e marra gjeten vdekjen e menjëhershme. Policia e cila mbërriti menjëherë në vendin e ngjarjes identifikoi autorin, por pa arritur që ta prangosë. Ai është Besnik Pjetri 45-vjeç banues në Troshan i cili pas krimit është larguar, duke i shpëtuar policisë. Policia bën me dije se për kapjen e tij po krihet e gjithë zona si dhe po ushtrohen kontrolle në vendet nga ku mendohet se mund të jetë fshehur.
Ndërkohë nga veprimet hetimore të kryera në vendin e ngjarjes dhe mbledhjes së dëshmive, bëhet me dije se babë e bir ishin kthyer të hënën nga Italia ku jetonin prej shumë vitesh, pasi kishin patur një dasëm në vendlindje tek disa të afërm të tyre. Siç duket ish-dhëndri i ka ndjekur lëvizjet e objektivave të tyre dhe sapo janë kthyer në banese është afruar dhe ka qëlluar me breshëri plumbash. Fqinjët e familjës Perjaku thonë se janë të tronditur nga kjo ngjarje e rëndë, ndërsa nuk kishin patur dijeni që babë e bir ishin kthyer nga Italia ku jetonin e punonin prej më shumë se 20-vitesh.
Sipas burimeve autori i ngjarjes Besnik Pjetri i cili ishte babai i dy vajzave ishte divorcuar, prej më shumë se 6 vitesh nga gruaja e tij dhe që prej asaj kohë kishte patur konflikte të vazhdueshme më ish-gruan dhe familjen e saj, madje për këtë çështje ishte arrestuar dhe nga policia në Itali dhe kishte qëndruar për rreth 2 vite në burg. 45-vjeçari pretendonte se familje e ish-nuses së tij i kishte borxhe dhe nuk ja kishin kthyer, ndërsa së fundmi nuk e kishin lejuar të takonin as vajzat çka dyshohet të jetë bërë shkak dhe për krimin e rëndë.
Autori Besnik Pjetri dhe një nga viktimat Gent Perjaku
Report Tv ka siguruar fotografitë e Pjerin dhe Gentjan Përjakut, babë e bir, dy viktimat e krimit në Lezhë. Ata u vranë një natë më parë nga Besnik Pjetri, i cili është ende në arrati.
Dy viktimat, të cilët kishin pak ditë që ishin kthyer nga Italia ku punonin prej 20 vitesh, do të përcillen për në banesën e fundit, në varrezat e fshatit Prull.
Sipas burimeve autori i ngjarjes Besnik Pjetri i cili ishte babai i dy vajzave ishte divorcuar, prej më shumë se 6 vitesh nga gruaja e tij dhe që prej asaj kohë kishte patur konflikte të vazhdueshme më ish-gruan dhe familjen e saj.
Të tjera detaje mësohen nga vrasja e dyfishte në Lezhë, ku 45-vjeçari Besnik Pjetri vrau në shtëpinë e tyre ish-vjehrrin Pjrein Përjakun dhe kunatin Gent Përjakun.
Burime për Report Tv bëjnë me dije autori i ngjarjes Besnik Pjetri pretendonte se familje e ish-nuses së tij i kishte borxhe dhe nuk ja kishin kthyer, ndërsa së fundmi nuk e kishin lejuar të takonin as vajzat çka dyshohet të jetë bërë shkak dhe për krimin e rëndë.
Report Tv ka siguruar foton e 32-vjeçarit Gent Përjaku i cili u vra me armë zjarri nga Besnik Pjetri, ish-burri i motrës së tij. Viktimë ka mbetur edhe babai i tij 56-vjeçari Pjerin Përjaku.
Autori i krimit Besnik Pjetri
1 / 5
Autori i krimit Besnik Pjetri
2 / 5
Autori i krimit Besnik Pjetri
3 / 5
Autori i krimit Besnik Pjetri
4 / 5
Autori i krimit Besnik Pjetri
5 / 5
Report Tv ka siguruar foton e Besnik Pjetrit, i cili vrau me armë zjarri mbrëmjen e kaluar ish-vjehrrin e tij dhe kunatin, Pjerin e Gent Përjaku. Megjithëse kishte 6 vite i ndarë nga gruaja, ato kishin pasur vazhdimisht konflikte.
Fqinjët e Pjerin Përjakut dhe Gent Përjakut (babë e bir) të cilët u vranë më armë zjarri nga ish-dhëndri i tyre kanë folur për Report Tv. Ato kanë treguar se babë e bir jetonin e punonin prej 20 vitesh në Itali.
‘Na thanë është bërë nami i zi. Janë vendali të ka hershëm.’- u shpreh një fqinje.
‘Ka disa vjet që kanë ikur në Itali. Mbrëmë më duket se ka ardhur. Më ka ardhur shumë keq se e kam pas shumë dashamirës. Kanë jetuar në Itali për nja rreth 20 vjet. Ka pas ardhur i shkreti. Ka qenë person i papamë si familje, taksirati të gjen.’- u shpreh një fqinj tjetër.
