Ka shkuar në 115 numri i viktimave palestineze që kërkonin ndihma humanitare në qytetin e Gazës. Sulmi nxiti reagime të shumta ndërkombëtare, një ditë pasi dëshmitarët dhe zyrtarët shëndetësorë në Gazë thanë se vrasjet ishin shkaktuar nga sulmi i forcave izraelite ndërkohë Izraeli e kundërshton këtë version të ngjarjes. Europa bën thirrje për ‘hetim të pavarur’ pas versioneve kontradiktore të Hamasit dhe Izraelit.
Por burimet mjekësore në Gaza tregojnë se 80% e të vdekurve kanë plagë me armë zjarri, duke hedhur poshtë në mënyrë indirekte tezën e IDF se shumica e palestinezëve që vdiqën në pritje të ndihmës u shtypën nga turma.
Presidenti amerikan Joe Biden njofton se SHBA do të marrë pjesë në një operacion të madh të ndihmave humanitare në Gaza me avionë ushtarakë, ndërsa OKB-ja ngre alarmin për fëmijët që po vdesin nga uria.
"Dokumentet zyrtare të djeshme ose të mëngjesit të sotëm raportojnë praninë e fëmijës së dhjetë që ka vdekur nga uria e regjistruar zyrtarisht në një spital," tha zëdhënësi i OBSH-së Christian Lindmeier, duke shtuar se "kjo është shumë e trishtueshme, por për fat të keq mund të prisni që shifrat jozyrtare të jenë më të larta."
Lajmi erdhi pasi media raportoi se katër fëmijë kishin vdekur gjatë natës në spitalin Kamal Adwan në veri të Gazës, si dhe gjashtë të rinj të tjerë që vdiqën të mërkurën në të njëjtën qendër dhe në spitalin Al Shifa në qytetin e Gazës.
Nga ana tjetër fraksioni palestinez njoftoi vdekjen e 7 pengjeve, të vrarë “pas një bombardimi izraelit”.
Një anije e sulmuar nga rebelët Houthi të Jemenit më 18 shkurt, Rubymar, u mbyt në Detin e Kuq pasi mori ujë për ditë të tëra. Këtë e raportojnë disa zyrtarë.
Është anija e parë e mbytur nga Houthi në sulmet e tyre kundër anijeve përgjatë rrugës së ngarkuar tregtare. Pas sulmit të shkurtit, Rubymar ishte zhvendosur. Mbytja u konfirmua nga qeveria e njohur ndërkombëtarisht e Jemenit dhe një zyrtar ushtarak rajonal, i cili foli në kushte anonimiteti. Kreu i Rubymar me bazë në Bejrut nuk mund të kontaktohej për t’i marrë një koment.
Komente
Krim kunder njerezimit. Turpi i mbulofte per jete shkaktaret.
Përgjigju