Deputetja e PD-së, Albana Vokshi në fjalën e saj në protestën e Berishës tha se sot pavarësia e Kosovës po kërcënohet nga Presidenti serb, Aleksandar Vuçiç. Sipas Vokshit, është e papranueshme që kryeministri Edi Rama është sot me Vuçiç, në vend që të ishte në protestë.
"Në këtë vend duket sikur tradhtia e hajnia vijnë shpesh, por bashkimin e Kosovës me Shqipërinë nuk e cenon dot asnjë. Kjo është protesta e vetme organizuar nga një parti, dedikuar një çështje kombëtare. Sot Kosova është e pavarur por pavarësinë e saj po e lufton sot Vuçiç, prandaj jam në këtë protestë, për Kosovën time që gjaku i të gjithë atdhetarëve të mos shkojë dëm. Është e papranueshme që Edi Rama, në vend që të jetë këtu është me Vuçiç, e papranueshme që ende askush nuk ka kërkuar falje për burrat, gratë e fëmijët e masakruar. Opozita është e gjallë, ne jemi të gjallë si garant i mbrojtjes së çështjes kombëtare", tha ajo.
Lajmi kryesor:
Berisha s'mbledh dot protestues as sa çereku i Bashës, por paralajmëron: Lul Brava do të mbash përgjegjësi në mënyrë shembullore nëse s'njeh shumicën tonë! Report Tv sjell pamjet me dron (VIDEO)
//ReportTv.al