Tiranë- Ajo është vetëm 8-vjeçe por pavarësisht moshës, arriti të bëjë një gjest tepër fisnik që i preku të gjithë. Emilja Qeleposhi, me zemrën e saj të madhe vendosi që t’i dhurojë flokët me dëshirën për t’i ardhur në ndihmë fëmijëve me kancer.
Ajo udhëtoi nga Tropoja drejt Tiranës dhe iu drejtua emisionit ‘Rreze Dielli’ ku edhe preu flokët live, duke dhënë kështu një mesazh tepër të bukur.
“Më lindi ideja se doja të bëja një fëmijë të lumtur. Do t’i dhurojë flokët e mi tek një fëmijë i vogël që ka nevojë” tha vogëlushja.
E shoqëruar në studio nga mamaja e saj Bruna Qelepeshi, e cila ishte vetë ajo që i preu flokët vajzës, tha se Emilja ishte tepër e vendosur për të bërë këtë gjest në ndihmë të fëmijëve.
MC/ReportTv.al“Ka dëgjuar raste të shumta dhe ishte shumë e vendosur edhe pse kishte të tjerë që i thonin ‘ pse do t’i presësh gjithë këto flokë’ por ajo ishte shumë e vendosur” u shpreh ajo.
