FRANCË- Me siguri kjo ishte e vetmja herë që turistët nuk kanë parë kullën e Eifelit, por akrobatin i cili "dhuroi" spektakël, në një lartësi prej 70 metrash në Paris.
Zbathur dhe i fokusuar, pamjet nga shfaqja akrobatike e 27-vjeçarit Nathan Paulin të lënë pa frymë. Ai eci për rreth 30 minuta mbi litar, ndërsa ishte i lidhur me një litar siguri. Momenti më i veçantë, ishte ku akrobati i ri, u shtri mbi litar për të shijuar qiellin dhe arritjen e tij.
Duke folur për mikrofonin e BBC, i riu tha se pavarësisht se ishte një sfidë e vështirë, eksperienca ishte fantastike.
“Ishte fanstastike, por nuk ishte aspak e lehtë. Të qëndrosh i fokusuar me gjithçka qe ndodhet rreth teje është shumë e vështirë. Jam shumë i lumtur për arritjen time.", tha ai.
J.GJ./ReportTv.al
