Ernis Morinaj, 36-vjeç dhe Bledi Haka 42-vjeç, banues në Tiranë janë shpallur në kërkim nga policia, pasi dyshohet se më datë 7 qershor, kanë vjedhur një makinë tip ‘Range Rover’ në aeroportin ‘Nënë Tereza’.
Sipas policisë këta dy persona, kanë vjedhur automjetin tip ‘Range Rover’, të cilin shtetasi Ç. A. e kishte parkuar në parkingun e aeroportit, dhe më pas kanë përdorur pajisje të ndryshme për bllokimin e GPS-së së automjetit.
Makina e vjedhur është gjetur ne garazhin e një pallati në Astir dhe është sekuestruar nga policia.
Gjithashtu, në cilësinë e provës materiale janë sekuestruar pajisjet e përdorura për bllokimin e GPS-së së automjetit dhe sende të tjera të përdorura për hapjen e automjetit.
Vijon puna për kapjen e 2 shtetasve të shpallur në kërkim dhe për dokumentimin e plotë të kësaj vjedhjeve.
Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Tiranë, për veprime të mëtejshme, për veprën penale “Vjedhja”, kryer në bashkëpunim.
M.Q./ReportTv.al