Drejtori i Policisë së Tiranës, Tonin Vocaj ka dhënë një deklaratë për shtyp pas plagosjes me armë zjarri të efektivit ‘Shqiponja’. Vocaj thotë se nga informacionet paraprake Bozhanaj mund të ketë shenja të theksuara depresioni.
“Ka një dëmtim me armë zjarri. Policia dhe RENEA janë mobilizuar për kapjen e autorit i cili quhet Klerent Bozhanaj i datëlindjes 1981. Ky person është i armatosur dhe ka shenja të theksuara depresioni. Vazhdojnë veprimet e policisë.
Po komandojmë me familjarët. Policia vendos shumën 20 mijë euro për informacion të vlefshme që çon në kapjen e autorit. Ne nuk kemi shumë të dhëna për momentin. Dimë që ky person ka qenë emigrant në Itali është kthyer në gusht në Shqipëri.
Nga hetimet e deritanishme është evidentuar fakti që ka shenja depresive dhe nuk kemi të dhëna për përfshirje në aktivitet kriminale”, u shpreh Vocaj.
Lajmi kryesor:
U ndalua nga patrulla e ‘Shqiponjave’ në Tiranë, i armatosuri plagos me dy plumba në bark efektivin që po e kontrollonte! Identifikohet autori (EMRAT)
G.MO/ReportTv.al